У Брэсце ў сераду "можна будзе перыядычна чуць стралковую кананаду"
Вайскоўцы на вучэннях / Мінабароны РБ
У Брэсце ў сераду "можна будзе перыядычна чуць стралковую кананаду". Пра гэта жыхароў абласнога цэнтра папярэдзіў старшыня гарвыканкама Аляксандр Рагачук. Сёлета ён рэгулярна робіць падобныя аб'явы з-за вайсковых вучэнняў, якія праводзяцца каля горада, ці з-за перасоўвання ваеннай тэхнікі. На гэты раз на палігоне "Брэсцкі" праходзяць заняткі камандзіраў узводаў 38-й асобнай гвардзейскай дэсантна-штурмавой брыгады.
"Падстаў для якога-небудзь турботы ў жыхароў горада няма", — піша Рагачук.
