У Брусэлі абмеркавалі перспектывы супрацоўніцтва Беларусі і ЕС
У Брусэлі ў чацвер прайшоў шосты раўнд кансультацый па пытаннях мадэрнізацыі з Еўрапейскім саюзам. Беларускі бок прадстаўляла намеснік міністра замежных спраў Алена Купчына, а Еўрасаюз — Гунар Віганд, дырэктар дэпартамента Расіі, "Усходняга партнёрства", Цэнтральнай Азіі, рэгіянальнага супрацоўніцтва і АБСЕ Еўрапейскай службы знешніх дзеянняў.
Як інфармуе прэс-служба МЗС Беларусі, на сустрэчы былі абагульненыя вынiкi папярэднiх раўндаў дыскусii, абмеркаваныя "перспектывы наладжвання ўзаемадзеяння па ўзгодненых прыярытэтных напрамках на аснове дамоўленасцяў, дасягнутых на кансультацыях у 2014-2015 гадах".
Алена Купчына таксама правяла сустрэчы з кіраўніцтвам i прадстаўнікамі Еўрапейскай службы знешніх дзеянняў, Еўрапейскай камiсii i дэлегацыi Еўрапейскага парламента па сувязях з Беларуссю. Падчас іх былі разглежаны пытанні развіцця адносін паміж нашай краінай і Еўрасаюзам.
Фота: ria.ru
