У цэнтры Мінска патрабавалі ўвесці кантроль на мяжы з Расіяй
У цэнтры Мінска патрабавалі ўвесці кантроль на мяжы з Расіяй. Каб не дапусціць патраплення ў Беларусь наркотыкаў, выбуховых рэчываў і зброі з тэрыторыі нашай усходняй суседкі. Як інфармуе БелаПАН, кандыдаты ў дэпутаты Палаты прадстаўнікоў Алесь Таўстыка і Уладзімір Падгол 19 жніўня арганізавалі каля універсама "Цэнтральны" перадвыбарчы пікет.
Акцыя атрымала назву "Куля для прэзідэнта". Падгол апрануў на сябе бронекамізэльку з аналагічным надпісам і танкісцкі шлем. Пікет прайшоў пад бел-чырвона-белым сцягам, а таксама сцягамі ЗША і Еўрасаюза. Як патлумачыў Уладзімір Падгол, з беларускай мовы слова "куля" можна перавесці не толькі як "куля", але і як "шар".
На сваёй акцыі Таўстыка і Падгол прымацавалі лісты са згаданымі патрабаваннямі да паветраных шароў і запусцілі іх у неба.
