У чацвер у Мінску будзе праведзеная спецаперацыя па вызваленні закладнікаў

У чацвер у Мінску на вуліцы Берута будзе праведзена спецаперацыя па вызваленні “закладнікаў”. Байцы спецыяльнай роты хуткага рэагавання ўпраўлення ўнутраных справаў на транспарце прадэманструюць свае ўменні і навыкі.

Умоўных закладнікаў вызваляць з аўтамабіля і з будынка. Таксама спецназаўцы паспрабуюць захапіць злачынцаў, якія знаходзяцца ў аўтамабілі падчас яго руху.

Паведамляецца, што паказальныя выступы прымеркаваныя да 19-х угодкаў з дня стварэння ў органах МУС Беларусі спецпадраздзяленняў.

Інтэрфакс