У Гомелі на адкрыцці супермаркета людзей запускалі партыямі (фота)
У Гомелі адбылося адкрыццё першага буйнога супермаркета сумеснай гандлёвай сеткі Беларусі і Расіі “Алмі”. Наплыў людзей быў настолькі вялікім, што ўсе жадаючыя наведаць гандлёвую залу былі вымушаны станавіцца ў чаргу. Першая вялікая крама Гомеля пабудавана ў самым буйным спальным раёне горада ўсяго за год. Варта адзначыць, што супермаркет працуе 24 гадзіны ў суткі, а суботняе адкрыццё крамы было неафіцыйным — урачыстае адкрыццё з удзелам кіраўніцтва горада адбудзецца на Дзень незалежнасці, 3-га ліпеня.
