У Гомелі жанчыну асудзілі на 19 гадоў калоніі за забойства двухгадовай дачкі
Справу аб забойстве дзіцяці разглядаў Гомельскі абласны суд / t.me/gomeloblsud/
У Гомелі 20-гадовую жанчыну асудзілі на 19 гадоў калоніі агульнага рэжыму за забойства двухгадовай дачкі. Крымінальную справу разглядаў Гомельскі абласны суд.
Трагедыя адбылася ў канцы мінулага года. Жанчына напісала ў сваім тэлефоне перадсмяротную запіску — пра планы пазбавіць жыцця сябе і сваю дачку. Пазней свае дзеянні яна патлумачыла "староннім стаўленнем мужа і свякрухі наконт выхавання дзіцяці, чысціні і парадку ў кватэры". У той вечар маладая маці двойчы стукнула дачку рукамі па галаве. Пасля яна ўтрымлівала на твары дзіцяці падушку, і яно памерла ад механічнай асфіксіі.
Раней у жанчыны не было праблем з законам.
