У Інданэзіі ўвялі крымінальную адказнасць за секс па-за шлюбам
![Джакарта, Інданэзія / Reuters](/sites/default/files/styles/gallery_main/public/2023-08/SXOZII42RJJZZASLIUM7DVBSXU.jpg.webp?itok=jH04yAMj)
Джакарта, Інданэзія / Reuters
У Інданэзіі ўвялі крымінальную адказнасць за секс па-за шлюбам. Забарона будзе распаўсюджвацца і на замежнікаў, піша apnews.com.
Новаўвядзенне ўтрымліваецца ў новым крымінальным кодэксе, які ў аўторак аднагалосна ўхваліў парламент Інданэзіі. За секс па-за шлюбам пагражае да аднаго года пазбаўлення волі. Караецца і сужыццё да шлюбу — да шасці месяцаў турмы. Забаронена прапаганда сродкаў кантрацэпцыі. Кодэкс захоўвае ранейшую крымінальную адказнасць за аборт. Жыхарам Інданэзіі нельга будзе абражаць прэзідэнта і віцэ-прэзідэнта, інакш іх на тры гады адправяць за краты.
Новыя патрабаванні яшчэ не пачалі дзейнічаць, паколькі кодэкс мусіць падпісаць прэзідэнт. Таксама прадугледжаны трохгадовы пераходны перыяд.
![У Інданэзіі ўвялі крымінальную адказнасць за секс па-за шлюбам](/sites/default/files/styles/default_image_paragraph/public/paragraphs/image/NHEEZRVBMNNTPLNY6K5U66PXPQ.jpg.webp?itok=DFQuaQRm)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.