У Кіеве падчас сутыкненняў пацярпелі каля 100 міліцыянтаў
Гэтая лічба адносіцца толькі да тых праваахоўнікаў, якія абаранялі будынак Адміністрацыі прэзідэнта.
Сутыкненні паміж байцамі спецпадраздзялення "Беркут" і мітынгоўцамі адбываліся ва ўрадавым квартале ўкраінскай сталіцы на працягу некалькіх гадзінаў. Міліцыянты атрымалі раненні ад кінутых у іх камянёў, бутэлек з запальваючай сумессю. У сваю чаргу, "Беркут" выкарыстоўваў слёзацечны газ і святлошумавыя гранаты.
УНІАН адзначае, што імітацыю штурму будынка Адміністрацыі прэзідэнта здзейснілі каля 500 добра падрыхтаваных маладых людзей. Яны выкрыквалі лозунгі на ўкраінскай мове, а паміж сабой размаўлялі па-руску. З'явілася версія, што штурм быў правакацыяй расійскіх спецслужбаў.
Як стала вядома, у Кіеве траўмы атрымалі 22 мітынгоўца.
Ва Украіне могуць увесці надзвычайнае становішча (хроніка падзеяў, відэа)
Фота — Reuters
