У Мексіцы зрабілі самы вялікі нацыянальны сэндвіч
Ён важыць больш за 750 кілаграмаў і ў даўжыню дасягае 58 метраў. На гатаванне пайшло 3 хвіліны і 58 секундаў.
Самы вялікі мексіканскі сэндвіч — так званую "торту" — зрабілі ў рамках спецыяльнага кірмаша, прысвечанага гэтаму пачастунку ў Мехіка. Па словах арганізатараў мерапрыемства, якія перадае РІА "Новости", такім чынам, быў пабіты леташні рэкорд — тады сэндвіч "дасягнуў" даўжыні 52 метры.
"Торта" — гэта злёгку выцягнутая пшанічная булка, разрэзаная ўздоўж. У яе кладзецца рознае традыцыйнае начынне — фасоль, прыправы, перац, сыр і мяса ў розных варыяцыях.
Дарэчы, вялікую частку "рэкорду" адправяць у інтэрнаты і прытулкі для беднякоў.
Фота з сацыяльных сетак
