У Мінскім раёне лось выбег перад аўтамабілем, загінулі кіроўца і яго дзіця
На месцы трагічнага здарэння / t.me/pressmvd/
У Мінскім раёне на аўтадарозе М1 каля павароту да пасёлка Стайкі лось выбег перад аўтамабілем, адбылося сутыкненне. У яго выніку загінулі 42-гадовы кіроўца Hyundai і аднагадовая дзяўчынка, яго дачка. 39-гадовая жанчына-пасажыр, маці дзіцяці, шпіталізаваная ў цяжкім стане.
Трагічнае здарэнне адбылося ў нядзелю каля 19-й гадзіны. Як паведамляе Следчы камітэт, паводле папярэдняй інфармацыі, аўтамабіль не быў абсталяваны дзіцячым аўтакрэслам, дзяўчынка знаходзілася на руках у маці.
Распачатая крымінальная справа па артыкуле "Парушэнне правілаў дарожнага руху, якое пацягнула па неасцярожнасці гібель двух чалавек".
