У Мінску зацвердзілі нарматывы цеплавой энергіі ў дамах без лічыльнікаў
Мінгарвыканкам зацвердзіў у сталіцы нарматывы фактычнага расходу цеплавой энергіі па жылых дамах, не абсталяваных групавымі лічыльнікамі. Адпаведнае рашэнне Мінгарвыканкама ад 10 сакавіка 2016 года №635 апублікаванае на Нацыянальным прававым інтэрнэт-партале, інфармуе БЕЛТА.
Так, на ацяпленне 1 кв.м агульнай плошчы жылых памяшканняў на студзень 2016 года ўстаноўленая норма ў 0,0246 Гкал / кв.м. Норма на падагрэў вады на студзень 2016 года — 0,0795 Гкал / куб.м.
Рашэнне набывае моц пасля афіцыйнага апублікавання.
