У Пецярбургу згарэў чарговы аўтобус МАЗ
Гарыць аўтобус МАЗ / Скрыншот з відэа
У Пецярбургу згарэў чарговы аўтобус МАЗ. Ён "выгарэў па ўсёй плошчы". Здарылася гэта ўначы 2 кастрычніка ў Курортным раёне, калі аўтобус вяртаўся ў парк. Узгаранне ліквідавалі ратавальнікі. Пацярпелых няма, піша fontanka.ru.
Гэта ўжо шосты такі выпадак у расійскім горадзе з аўтобусам беларускай вытворчасці. Відавочна, што справа ў санкцыях: заходнія камплектуючыя ў беларускіх аўтобусах "імпартазамясцілі" на "аналагічныя па тэхнічных характарыстыках" айчынныя. Але яны апынуліся зусім не аналагічныя. У чэрвені пасля чарговага выпадку з МАЗам Аляксандр Лукашэнка супакойваў, што нічога там сур'ёзнага не адбылося.
"Рухавік цэлы, узгаранне адбылося не ў маторным адсеку", — заявілі спецыялісты.
