У Шчучыне да Дня беларускага пісьменства адчынілі першую кнігарню
Дагэтуль гараджане куплялі кнігі ў невялікіх кніжных аддзелах у іншых крамах.
У Шчучыне 31 жніўня да Дня беларускага пісьменства адчынілася першая кнігарня-кавярня. Як інфармуе БЕЛТА, кнігарня "Несцерка" размясцілася каля будынку Дома гандлю.
Раней шчучынцы маглі купіць кнігі толькі ў невялікіх кніжных аддзелах іншых крамаў. Цяпер у кнігарні яны могуць не толькі купіць кнігі, але і выіпць кавы.
У адкрыцці кнігарні прыняла ўдзел міністр інфармацыі Лілія Ананіч, кіраўніцтва "Белкнігі" і Шчучынскага райвыканкама. Дарэчы, міністр стала першай пакупніцай крамы: яна набыла турыстычную карту раёна і сувеніры.
Нагадаем, што Дзень беларускага пісьменства будзе адзначацца ў Шчучыне 5-6 верасня. У 2016 годзе гэтае свята будзе прымаць Рагачоў.
Фота: БЕЛТА
