У Стаўбцоўскім раёне дырэктар сельгаспрадпрыемства затрыманы за хабар у $20 тысяч
Крымінальную справу ў дачыненні дырэктара сельскагаспадарчага прадпрыемства ў Стаўбцоўскім раёне расследуе Следчы камітэт. Службовец падазраецца ў хабарніцтве.
Дырэктара затрымалі адразу пасля таго, як ён атрымаў “ганарар” ад прадстаўніка фермерскай гаспадаркі — 20 тысяч долараў. Такім чынам фермер спрабаваў паспрыяць заключэнню арэнднай дамовы на зямлю сельскагаспадарчага прызначэння.
Дзеянні падазраванага кваліфікаваныя як “атрыманне хабару ў асабліва буйным памеры”. З затрыманым працуюць следчыя, паведамляе прэс-служба СК.
Фота з архіву
