У Верхнядзвінскім раёне гарэла сталовая. Магчымая прычына — падпал
Верхнядзвінскім ратавальнікам у нядзелю, 20 снежня, давялося змагацца з пажарам у сталовай у вёсцы Шайтэрава. Як паведамляе прэс-служба МНС, паведамленне пра пажар паступіла ад відавочцы ў 17.24.
Калі ратавальнікі прыбылі да месца выкліку, будынак быў ахоплены агнём, у ім часткова абрынуўся дах.
Высветлілася, што ў нядзелю сталоўка працавала з 8-й да 14-й. Сам будынак не ахоўваўся. Цалкам ліквідаваць пажар ратавальнікам удалося толькі а 19-й гадзіне.
Эксперты разглядаюць некалькі версій аб прычынах пажару. Яны не выключаюць парушэнні правілаў пажарнай бяспекі пры эксплуатацыі электраабсталявання, а таксама падпал.
Фота: mchs.gov.by
