У Віцебску даішнік на трэніроўцы зваліўся з байка пад колы калегу (відэа)

У Віцебску на трэніроўцы мотабатальёна спецпадраздзялення "Страла" адбыўся інцыдэнт. Адзін з інспектараў ДАІ не справіўся з кіраваннем матацыклам і зваліўся. Яго калега, які ехаў следам, не здолеў спыніцца і наехаў на яго, паведамляе tut.by. Відэа гэтага здарэння з'явілася ў сацсетцы "Вконтакте".

У міліцыі кажуць, што супрацоўнік ДАІ, які зваліўся з матацыкла, не атрымаў ніякіх траўмаў. Ён прыме ўдзел у паказальных выступах на закрыцці фестывалю "Славянскі базар".

Супрацоўнікі спецпадраздзяленняў "Страла", "Віцязь" і АМАП выступяць на віцебскай плошчы Перамогі 16 ліпеня. У сувязі з гэтым з 19.00 да 20.00 ад плошчы Свабоды да Маскоўскага праспекта будзе абмежаваны рух усіх відаў транспарту.