Украіна ўзмацняе абарону мяжы з Беларуссю
Украіна ўзмацняе абарону мяжы з Беларуссю. Пра гэта заявіў прадстаўнік украінскай Дзяржаўнай памежнай службы Андрэй Дземчанка.
"Мяжа ўзмацняецца з Рэспублікай Беларусь, бо мы разумеем, што гэтая краіна падтрымлівае РФ у вайне, развязанай супраць Украіны, — цытуе яго словы УНІАН. — І ніколі ні УСУ, ні памежнікі не выключалі, што вайсковыя падраздзяленні гэтай краіны могуць далучыцца да вайны Расіі... Гэты кірунак дастаткова важны".
Захады па ўзмацненні аховы мяжы з Беларуссю ўкраінскі бок ужо прымаў на працягу вясны-лета 2022-га.
Таксама ўзмацняецца абарона мяжы Сумскай і Чарнігаўскай абласцей для недапушчэння паўторнага наступу там расійскіх войскаў.
