Украінская дзяржава вярнула два храмы Кіева-Пячэрскай лаўры
Ва Украіне працягваецца барацьба з уплывам РПЦ / УНІАН
Украінская дзяржава вярнула ў сваю ўласнасць два храмы Кіева-Пячэрскай лаўры — Успенскі сабор і Трапезную царкву, піша hromadske.ua. Мінкульт заявіў, што ва Украінскай Праваслаўнай Царквы (маскоўскага патрыярхату) у канцы 2022-га скончылася іх арэнда (яна працягвалася з 2016 года). Спецыяльная камісія ўжо правяла інвентарызацыю маёмасці, правяла тэхнічны агляд будынкаў.
Успенскі сабор з'яўляецца галоўным храмам Кіева-Пячэрскай лаўры.
Ва Украіне дзейнічае Праваслаўная Царква Украіны, незалежная ад Масквы і РПЦ. У той жа час дагэтуль у краіне існуе УПЦ (маскоўскага патрыярхату). Улады Украіны заяўлялі, што плануюць забараніць дзейнасць рэлігійных арганізацый, якія звязаныя з Расіяй. У канцы 2022-га СБУ праводзіла шматлікія ператрусы на аб'ектах, якія выкарыстоўвае УПЦ МП.
