Украінская Генпракуратура завяла болей за 60 справаў за здраду радзіме
Выкрытыя амаль 1,5 тысяч чалавек, якія спрычыніліся да злачынстваў, звязаных з тэрарызмам і сепаратызмам.
Як перадае карэспандэнт УНІАН, пра гэта заявіў у часе пашыранага паседжання калегіі Генеральнай пракуратуры генеральны пракурор Украіны Віталь Ярэма. Ён адзначыў, што праваахоўныя органы робяць максімальна магчымыя захады па супрацьдзеянні праявам сепаратызму і тэрарызму.
У цэлым распачата болей за 60 крымінальных справаў за здраду радзіме. Генпракурор прывёў некалькі прыкладаў, у тым ліку выкрытага намесніка камандзіра ўнутраных войскаў, які перадаваў расійскім вайскоўцам інфармацыю з абмежаваным доступам аб дыслакацыі і дзейнасці ўнутраных войскаў Украіны.
Апроч таго камандзір батальёна патрульна-паставой службы Горлаўскай гарадской управы з часткай падначаленых яму супрацоўнікаў міліцыі перайшоў на бок прарасійскіх баевікоў.
