Украінскія біятланісткі: расіяне нам крычалі: “Падай! Прамахніся!”
Алімпійскія чэмпіёнкі ў жаночай эстафеце згадваюць прыкрыя ўражанні ад гонкі ў Сочы 21 лютага.
Спартсменкі распавялі расійскаму тэлеканалу НТВ-плюс, як расійскія заўзятары на трыбунах зычылі ім няўдачы. Паводле Алены Підгрушнай, яна бачыць такое ўпершыню ў жыцці. Расіяне радаваліся промахам іншай украінскай біятланісткі Валянціны Семярэнка, згадвалі ўкраінцам вайну, крычалі “прамахніцеся, падайце”.
Нагадаем, што ўкраінкі выйгралі “золата” ў эстафетнай гонцы і на фінішным адрэзку выдралі перамогу ў расійскай каманды, інфармуе zn.ua.
