Вецер сарваў афармленне транспарту ў пункце пропуску "Мядзінінкай"

Афармленне аўтатранспарту прыпынена ў літоўскім пункце пропуску "Мядзінінкай" на беларуска-літоўскай мяжы (з беларускага боку — "Каменны Лог"). Праблемы ў літоўскіх мытнікаў узніклі з-за збояў у электрасілкаванні, перадае БЕЛТА са спасылкай на Гродзенскую рэгіянальную мытню.

Афармленне ўсіх відаў транспарту было прыпыненае сёння з 00.30 паводле беларускага часу ў пункце пропуску "Мядзінінкай". Парывы ветру адключылі электрычнасць на літоўскім баку. 

У Гродзенскай рэгіянальнай мытні просяць усіх, хто плануе паездкі ў гэтым кірунку, улічваць інфармацыю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.