X не сыходзіць з ЕС, але лёс яго пад пытаннем — #ІхНоравы

Ілан Маск не хоча знікаць з навіннага парадку дня, і сённяшні дзень — не выключэнне. Кампанію яму ў нашым аглядзе міжнародных навін нечакана склаў Сільвіа Берлусконі, а дакладней — яго спадчына.


ЕС узяўся не толькі за Twitter

Еўракамісія пачала расследаванне супраць платформаў Facebook, Instagram, TikTok і X (былы Twitter) праз магчымае парушэнне імі закона Еўрапейскага саюза аб мадэрацыі кантэнту ў сувязі з вайной Ізраіля супраць ХАМАС.

Як паведамляе выданне Politico, у чацвер Еўракамісія накіравала афіцыйныя запыты ў TikTok і карпарацыю Meta, якая валодае сацсеткамі Facebook і Instagram, патрабуючы тлумачэнняў адносна таго, якія захады яны зрабілі для супрацьдзеяння незаконнаму кантэнту і дэзінфармацыі на сваіх платформах. Ім далі часу на адказ да 25 кастрычніка.

"Варта ўзмацніць санкцыі супраць Ірана, які забяспечвае зброяй ХАМАС. Паводле нашых ацэнак, 93% зброі ХАМАС паступіла з Ірана", — сказала кіраўніца Еўракамісіі.

Яна нагадала, што Іран таксама пастаўляе зброю Расіі для вайны супраць Украіны.

Прэзідэнт Еўракамісіі таксама падкрэсліла, што санкцыі Захаду разбураюць эканоміку Расіі. Цяпер ЕС і яго саюзнікі засяроджваюцца на тым, каб закрыць шчыліны для ўхілення ад санкцый.

Берлусконі пакінуў вялізную калекцыю карцін, але ёсць нюанс

Велізарная калекцыя твораў мастацтва памерлага экс-прэм'ера Італіі Сільвіа Берлусконі складаецца ў асноўным з работ нізкай якасці, якія не маюць ніякай каштоўнасці. Пра гэта заявіў адзін з вядучых італьянскіх мастацтвазнаўцаў Віторыа Сгарбі.

Паводле яго слоў, з 25 тысяч карцін мастацкую каштоўнасць маюць толькі шэсць ці сем работ. Уся калекцыя ацэньваецца прыкладна ў 20 мільёнаў еўра. Самыя дарагія творы — арыгінальныя працы Тыцыяна і Рэмбранта.

Лонданскі арт-дылер Чэзарэ Лампронці, які падтрымліваў цесныя адносіны з Берлусконі на працягу 30 гадоў, расказаў Бі-бі-сі, што мільярдэр быў імпульсіўным пакупніком:

"Ён любіў купляць жаночыя партрэты, якія дарыў сябрам. Калі ён быў маладзейшы, то купляў у галерэях і ў дылераў, але пазней пачаў набываць карціны на тэлевізійных аўкцыёнах”.

Паводле звестак La Repubblica, утрыманне склада, дзе захоўваюцца творы мастацтва, абыходзіцца прыкладна ў 800 тысяч еўра ў год.

Драўняныя чарвякі ўжо знішчылі частку калекцыі. У некаторых выпадках выдаткі на знішчэнне шкоднікаў перавышалі кошт саміх карцін.