Як кіраўніцтва завода рыхтуецца да прыезду Лукашэнкі (фота)
Рамонт у памяшканнях робіцца “ў тры змены”, праходзяць трэніроўкі па пасадцы верталёта на тэрыторыі, а ў клумбы высаджваюць агаву.
Да прыезду Аляксандра Лукашэнкі на адным з заводаў лёгкай прамысловасці Беларусі вядзецца актыўная праца па паляпшэнні прылягаючай тэрыторыі і памяшканняў прадпрыемства. Пра гэта некалькі дзён запар піша карыстальнік “Твітара” Андрэй. Серыя пастоў пачынаецца ў панядзелак паведамленнем “Прэзідэнт прыедзе толькі ў пятніцу, а паркоўку каля завода закрылі ўжо ў панядзелак!”.
Хлопец, які жыве ў Баранавічах і, мяркуючы па ўсім, працуе на гэтым прадпрыемстве, публікуе выявы таго, як экстранна “ў тры змены” робяць рамонт у памяшканнях завода, збіраюць лавы каля прахадной, робяць клумбы і нават высаджваюць у іх экзатычную агаву. У дадатак, у двары завода праходзяць трэніроўкі па пасадцы верталёта, а ўсім супрацоўнікам забаранілі ў дзень візіту кіраўніка Беларусі прыходзіць у шортах.
рэпетыцыя пасадкі верталёта
пень схавалі ў агароджу...
...а потым высадзілі агаву. "А з яе тэкілу робяць," - піша Андрэй
рамонт "у тры змены"
Тое, што 7 жніўня Лукашэнка наведае менавіта Баранавічы, пацвярджаюць і некаторыя СМІ, якія паведамляюць, што і ў самім горадзе пачалася экстранная падрыхтоўка да візіту кіраўніка краіны.
А вось так рыхтуюцца ў Баранавічах
Фота: intex-press.by ды акаўнт Андрэя
