Як Сяргей Ціханоўскі ў судзе троліў сістэму
На відэа трапіла, як Сяргей Ціханоўскі ў судзе троліў сістэму. Калі палітвязня заводзілі ў клетку, ён у арыгінальны спосаб, з тэчак, “зрабіў” нацыянальны бел-чырвона-белы сцяг. Нават у такіх жахлівых абставінах Ціханоўскі не губляе пачуцця гумару. Прысуд ён слухаў стоячы спінай да суддзі. Сяргей Ціханоўскі, як і Мікалай Статкевіч, пасля яго абвяшчэння выгукнулі "Жыве Беларусь!".
Сяргей Ціханоўскі быў асуджаны на 18 гадоў узмоцненага рэжыму, Мікалай Статкевіч — на 14 гадоў асаблівага рэжыму, Уладзімір Цыгановіч і Ігар Лосік атрымалі па 15 гадоў узмоцненага рэжыму, Арцём Сакаў і Дзмітрый Папоў — па 16 гадоў узмоцненага рэжыму. Усе яны прызнаныя палітвязнямі.
