Вячаслаў Бутусаў аб'явіў пра завяршэнне дзейнасці свайго гурта
Вячаслаў Бутусаў аб'явіў пра завяршэнне дзейнасці свайго гурта "Ю-Піцер". Ён адзначыў, што за 15 гадоў яго існавання было выпушчана пяць альбомаў. Цяпер музыка рыхтуецца да святкавання 35-годдзя гурта "Nautilus Pompilius" і збірае "новую каманду", інфармуе РІА "Новости".
Бутусаву 55 гадоў. Яго гурт "Nautilus Pompilius" быў асабліва папулярны ў канцы 1980-х гадоў. Жыў у Свярдлоўску (цяперашні Екацярынбург), у 1991 годзе пераехаў у Пецярбург. Гурт спыніў існаванне ў 1997-м, а ў 2001 годзе з'явіўся новы гурт — "Ю-Піцер".
