З-за дэнамінацыі ў Мінску ля банкаматаў — чэргі (фотафакт)

Ля мінскіх банкаматаў з-за дэнамінацыі пачалі ўтварацца чэргі. Ля банкамата Беларусбанка на сталічнай вуліцы Карла Маркса ў чарзе стаяць пяць чалавек. Карыстальнікі сацсетак паведамляюць, што ў некаторых банкаматах ужо закончыліся грошы.

У Гродне, паведамляе "Твой стыль", таксама ўзніклі чэргі ля банкаматаў, а ў некаторых банкаматах ужо няма грошай.

1 ліпеня ў Беларусі пачынаюць хадзіць новыя грошы, таму банкаматы не будуць працаваць уначы з 30 чэрвеня па 7-ю гадзіну раніцы 1 ліпеня. Некаторыя банкі паведамляюць, што аперацыі па пластыкавых картках не будуць праводзіцца да 10-й гадзіны раніцы 1 ліпеня.