Затрыманы галоўны ветэрынарны ўрач Смаргонскага раёна
А разам з ім — загадчыца лабараторыі ветэрынарна-санітарнай экспертызы.
Распачатая крымінальная справа па артыкуле "Атрыманне хабару групай асоб".
Аператыўна-вышуковыя мерапрыемствы праводзілі супрацоўнікі КДБ і міліцыянеры. Паведамляецца, што ў атрыманні хабару падазраюцца галоўны ветурач і загадчыца лабараторыі. Яны атрымалі ад прадстаўніка прыватнага гандлёвага прадпрыемства грашовыя сродкі за неажыццяўленне належнага ветэрынарнага кантролю за ўбоем жывёлы і рэалізацыяй мясной прадукцыі пакупнікам.
Цяпер правяраецца інфармацыя аб сістэматычнасці атрымання незаконных грашовых узнагароджанняў работнікамі Смаргонскай раённай ветэрынарнай станцыі.
Фота — Fotolia
