Заўтра можа спыніцца аўтабізнэс у Беларусі
1 сакавіка пачынае дзейнічаць указ аб утылізацыйным зборы, але пастановы Саўміна пакуль няма.
"Сёння, 28 лютага, акрамя тэкста ўказа прэзідэнта, нічога няма. Павінна быць пастанова Саўміна, дзе указваецца парадак выканання плацяжоў, памеры і рахункі. Нічога гэтага пакуль няма. Я мяркую, што ад заўтра аўтабізнэс у Беларусі увесь спыніцца", — кажа ў каментары Еўрарадыё эксперт з кампаніі "Атлант-М" Дзмітрый Перлін.
Каб увезці аўтамабіль у Беларусь, акрамя мытнай пошліны з 1 сакавіка трэба будзе плаціць утылізацыйны збор. Але каму плаціць і колькі, пакуль не вядома, бо гэтага ўказ Аляксандра Лукашэнкі не рэгулюе.
Фота — infosmi.net
