Журналістаў "Белсату" затрымалі ў Бабруйску пасля стрыму з пікета Ціханоўскай
На выездзе з Бабруйска затрымалі журналістаў, якія вялі стрым з выбарчага пікета Святланы Ціханоўскай.
Як перадае тэлеканал "Белсат", гэта журналістка-фрылансерка Алена Шчарбінская і аператар Алесь Баразенка.
"Нам сказалі ехаць за машынай ДАІ ў РАУС, бо ў дачыненні да нас вядзецца адміністрацыйная справа. З імі было яшчэ два супрацоўнікі АМАП. Яны мяне асобна забралі", — паспела распавесці журналістка.
На цяперашні момант тэлефон Шчарбінскай выключаны, а Баразенка не падымае слухаўку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
