Жыхар Мазыра піў спірт і выпадкова падпаліў сябе

Жыхар Мазыра піў спірт і выпадкова падпаліў сябе. Як інфармуе прэс-служба МНС Гомельскай вобласці, здарэнне адбылося ўвечары 4 лютага. Пенсіянер знаходзіўся дома. Ён праліў спірт на сябе, а пасля не ўтрымаў цыгарэту, яна ўпала на адзенне і яно імгненна загарэлася.

З апёкамі 1-3 ступені мужчына знаходзіцца ў рэанімацыі мясцовай бальніцы.