Знешні дзярждоўг Беларусі складае 18,5 млрд долараў
Знешні дзярждоўг Беларусі на 1 ліпеня 2021-га складаў 18,5 млрд долараў ЗША. З пачатку года ён зменшыўся на $0,1 млрд ці на 0,6%, паведамляе Мінфін.
У першым паўгоддзі былі прыцягнутыя знешнія дзяржаўныя пазыкі на суму, эквівалентную $729,3 млн долараў (629 млн долараў — ад урада РФ). Пагашэнне знешняга дзярждоўгу ў той жа перыяд склала 881,2 млн долараў.
Дзяржаўны доўг Беларусі ў студзені-чэрвені павялічыўся на 0,4 млрд рублёў (на 0,7%) і складаў 58,2 млрд рублёў.
