ЗША выдзелілі новую вайсковую дапамогу Украіне на амаль $8 мільярдаў
На фронце ва Украіне / facebook.com/GeneralStaff.ua
Як і чакалася, ЗША выдзелілі новую вайсковую дапамогу Украіне на $7,9 млрд. Пра гэта ў чацвер паведаміў украінскі прэзідэнт Уладзімір Зяленскі.
У новым амерыканскім пакеце дапамогі — дадатковая батарэя СПА Patriot, беспілотнікі, дальнабойныя ракеты і боепрыпасы класа "паветра – зямля". Злучаныя Штаты прафінансуюць "умацаванне абаронна-прамысловай базы Украіны". Будзе пашырана праграма па падрыхтоўцы ўкраінскіх пілотаў на F-16.
"Мы скарыстаемся гэтай дапамогай найбольш эфектыўным і празрыстым спосабам для дасягнення нашай галоўнай агульнай мэты: перамогі Украіны, справядлівага і працяглага міру і трансатлантычнай бяспекі, — піша Зяленскі ў Telegram. — ...Украіна і Злучаныя Штаты застаюцца блізкімі саюзнікамі, прыхільнымі абароне свабоды, чалавечага жыцця і агульнай бяспекі ў Еўропе і за яе межамі".
