З'явілася яшчэ адна версія пра месца нараджэння маршала Ракасоўскага
З'явілася яшчэ адна версія пра месца нараджэння маршала Савецкага Саюза і Польшчы Канстанціна Ракасоўскага (1896 — 1968). Нядаўна ў Нацыянальным гістарычным архіве Беларусі знайшлі запіс пра яго нараджэнне ў мястэчку Целяханы (цяпер — Івацэвіцкі раён Брэсцкай вобласці), адкуль паходзіла маці. Праўда, быў пазначаны 1889 год. Афіцыйна лічыцца, што годам нараджэння Ракасоўскага з'яўляецца 1896-ы, а месцам значыцца то Варшава, то Вялікія Лукі пад Псковам у Расіі.
