З'явіліся здымкі інтэр'ераў новага будынка Вярхоўнага суда

З'явіліся здымкі інтэр'ераў новага будынка Вярхоўнага суда Беларусі ў Мінску, у тым ліку і тыя, што дагэтуль не траплялі ў СМІ. На сайце court.gov.by апублікаваны фотарэпартаж з экскурсіі, якую наладзілі групе суддзяў раённых судоў. Праводзіў яе першы намеснік старшыні Вярхоўнага суда Валерый Калінковіч. Ён паказаў залы, дзе праходзяць судовыя пасяджэнні, залы для нарадаў і міжнародных сустрэч, працоўныя кабінеты, пакоі для адпачынку.

Новы будынак суда пабудаваны на Арлоўскай вуліцы. Былі патрачаныя некалькі дзясяткаў мільёнаў долараў. Яго ўрачыста адкрылі 5 красавіка сёлета.