1 кастрычніка пачалася свабодная рэгістрацыя кірылічных даменаў .БЕЛ

У чацвер, 1 кастрычніка, пачалася свабодная рэгістрацыя даменаў .БЕЛ для ўсіх жадаючых. Ніякіх асаблівых умоваў няма. Працэс афармлення замовы, аплаты, рэгістрацыі гэтых даменаў такі ж, як і для даменаў .BY. Рэгістрацыя даменаў .БЕЛ каштуе 150 тысяч рублёў на 1 год і 300 тысяч рублёў на 2 гады.

Рэгістрацыя пачалася а 00:00. За першыя дзве хвіліны былі здзейсненыя больш за 100 рэгістрацый. Усяго з 00:00 гадзін да 10:40 былі зарэгістраваныя 3 тысячы даменаў "бел".

Паведамляецца, што даменная зона падтрымлівае ўсе літары рускага і беларускага алфавітаў, у тым ліку "ў" (у нескладовае) і апостраф. Праверыць даступнасць імя і зарэгістраваць яго можна тут.

Фота: flickr.com