У чацвер у Беларусі чакаюцца кароткачасовыя дажджы і парывісты вецер
Воблачнае з праясненнямі надвор'е прагназуецца ў Беларусі 17 траўня. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
На большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы. Вецер будзе паўднёва-ўсходні, паўднёвы 4-9 метраў за секунду, з парывамі да 14 метраў за секунду, удзень — месцамі да 15-20 метраў за секунду.
Уначы тэмпература паветра чакаецца ад 9 да 15 градусаў цяпла. Удзень будзе +19...+25, па захадзе краіны — да 16-18 вышэй за нуль.
