18 студзеня курс долара вырас на 287 рублёў, курс еўра — на 241

У панядзелак, 18 студзеня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара вырас на 287 рублёў — 20 419, курс еўра — на 241 і складае 22 227 рублёў. Вырас і курс расійскага рубля — з 258,97 да 259,75 беларускага.

Беларускі рубель аслабеў да кошыка валют на 0,88%.

Як паведамляла Еўрарадыё, у суботу, 16 студзеня, курс долара вырас на 268 рублёў — да 20 132, курс еўра вырас на 377 — да 21 986 рублёў, курс расійскага рубля знізіўся — з 259,75 да 258,97 беларускага.