30 сакавіка ў Беларусі будзе цёпла, але вільготна

30 сакавіка ў Беларусі чакаецца воблачнае з праясненнямі надвор'е. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

На большай частцы тэрыторыі краіны пройдуць кароткачасовыя дажджы. Вецер прагназуецца паўднёва-заходні 5-10 метраў за секунду.

Тэмпература паветра ўначы складзе ад -1 да +5 градусаў. Удзень сіноптыкі абяцаюць 6-11 градусаў цяпла, па паўднёвым захадзе — да +13 градусаў.