Ад 100 да 550 рублёў. Колькі каштуюць пломбы ў Мінску і дзе іх можна паставіць

08/04/2024 - 17:22

У кабінеце ў стаматолага / unsplash.com

Стаматалагічны цэнтр "Апрель" пад Мінскам з 1 красавіка прыпыніў сваю працу. Запісацца на прыём у бліжэйшы час нельга. Пацыентам не тлумачаць прычыны — але выбачаюцца і прапануюць альбо пачакаць да траўня, альбо звяртацца ў іншыя клінікі.

— Паставіць пломбу тут каштавала 150 рублёў, — расказвае Еўрарадыё адзін з кліентаў "Апреля". — Працэдуру рабілі пад анестэзіяй, якая ўваходзіла ў гэты кошт. Я залячыў амаль усе зубы — наогул, быў задаволены і цаной, і якасцю працы. Але цяпер трэба шукаць нешта новае, каб усё дарабіць.

Еўрарадыё вырашыла дапамагчы з пошукамі, а заадно вывучыць цэны на пломбы ў прыватных клініках і дзяржаўных платных кабінетах.

"Дэнтаклінік"

"Лячэнне ў нас праводзіцца зусім без болю," — напісана на сайце стаматалогіі "Дэнтаклінік".

Такой рэкламы можа быць дастаткова, каб адразу запісацца на прыём.

Колькі тут каштуе палячыць зуб і паставіць пломбу?

— Ад 106 да 165 рублёў, — адказвае кансультант. — Кошт залежыць ад таго, колькі карыёзных поласцяў у зубе, якія расходныя матэрыялы выкарыстоўваюцца, прымяняецца ці не прымяняецца анестэзія.

Напрыклад, у адным зубе можа быць ад адной да трох карыёзных поласцяў. Адны пацыенты лечацца з анестэзіяй, другія — без. У працэсе лячэння могуць выкарыстоўвацца дадатковыя матэрыялы.

У нашай клініцы ставяць толькі сучасныя фотапалімерныя пломбы, якія засвечваюцца ўльтрафіялетавай лямпай.

"Прэміумдэнт"

Прыватная платная стаматалогія "Прэміумдэнт" прапануе кліентам вылечыць зубы "без страху і болю". Тут выкарыстоўваюць пламбіравальны матэрыял амерыканскай, нямецкай і японскай вытворчасці.

Што наконт цэн?

От 100 до 550 рублей. Сколько стоят пломбы в Минске и где их можно поставить

Клапаціцеся пра сваё здароўе / unsplash.com

Гарадская стаматалогія №7

У рэгістрацыі 7-й гарадской стаматалогіі душэўна.

— Так, сонейка. Бліжэйшыя даты — у канцы красавіка, — адказваюць тут на пытанне аб тым, ці можна запісацца на платны прыём да стаматолага, калі пацыент не прапісаны ў раёне паліклінікі.

Калі залезці на сайт "сямёркі", бачым, што мінімальны кошт за пламбіраванне зуба ў платным аддзяленні — 84 рублі 90 капеек, але праз тэлефон гэтую лічбу акругляюць да 100 рублёў, маўляў "так прасілі лекары", "не бывае, каб пломба каштавала 80 рублёў". Тут жа папярэджваюць, што пра клініку ў інтэрнэце пішуць на розных сайтах і ўсюды ўказваюць розную інфармацыю — лепш тэлефанаваць.

— Так што палячыць адзін канал у нас каштуе 100 рублёў, а калі зуб жавальны і шматканальны, то яго лячэнне можа вырасці і да 400 рублёў. У кошт уваходзіць работа лекара, пломба і, калі трэба, здымак і анестэзія. Калі вы лечыцеся адразу пасля размовы са спецыялістам, плаціць за прыём не трэба.

А што наконт матэрыялаў?

— Матэрыялы ў нас добрыя! Фотапалімеры (калі чулі)! Як кажуць у народзе, ставім светлавыя пломбы — гэта калі лямпай свецяць і нарошчваюць.

Гарадская стаматалогія №3

Датэлефанавацца ў 3-ю гарадскую стаматалагічную паліклініку ўвечары вельмі цяжка. Дыспетчар адказвае адразу на некалькі званкоў і тут жа папярэджвае, што бліжэйшы запіс (як і ў 7-й стаматалогіі) толькі на канец красавіка.

— За пломбу заплаціце ад 90 да 150 рублёў. Усё залежыць ад таго, якая ў вас праблема і колькі пойдзе матэрыялу. Камусьці трэба паўзуба пламбаваць, камусьці — крышку падлячыць.

Кансультацыя ў лекара каштуе ў раёне 10-20 рублёў, там могуць паглядзець здымкі вашых зубоў, нешта параіць. Але калі вы ўжо прыйшлі лячыць зуб, прыём у лекара асобна не аплачваецца, і анестэзія таксама ўваходзіць у агульны кошт лячэння.

У паліклініцы кажуць, што выкарыстоўваюць фотапалімерныя пломбы, але кансультаваць па тэлефоне адмаўляюцца — "прыходзьце да лекара, ён вам усё растлумачыць".