Ад агнястрэльнай раны загінуў беларускі вайсковец
8 чэрвеня ў беларускім войску ад агнястрэльнай раны загінуў шараговец, паведамляе ў сваім Telegram-канале прэс-служба Мінабароны.
21-гадовы шараговец С. Валошын служыў у зенітнай ракетнай брыгадзе. Па службе меў станоўчую характарыстыку.
"Абставіны здарэння ў цяперашні час высвятляюцца камісіяй Мінабароны сумесна са Следчым камітэтам", — гаворыцца ў паведамленні прэс-службы.
Мінабароны выказала спачуванні родным і блізкім шарагоўца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
