Ад алкаголю ў Беларусі гіне ў 30 разоў больш чалавек, чым ад наркотыкаў
Шакуючую лічбу назваў галоўны нарколаг Мінздароўя Іван Канаразаў.
14 студзеня галоўны нарколаг Мінздароўя Іван Канаразаў выступіў на прэс-канферэнцыі, прысвечанай эфектыўнасці антынаркатычнага Дэкрэту №6. Ён паведаміў, што на працягу 2014 года ад перадазавання наркотыкамі загінулі 32 чалавекі.
Але, па словах спецыяліста, гэта драбяза ў параўнанні са стратамі, якія нясе краіна ад алкаголю.
“Калі параўнаць атручванні са смяротным вынікам, то ад алкаголю смерцяў прыкладна ў 30 разоў больш, чым ад наркотыкаў”, — рэзюмаваў галоўны нарколаг.
Атрымліваецца, цягам мінулага года ад атручвання алкаголем загінула блізу 1000 чалавек.
Фота — iStockPhoto
