Адменены асобны конкурс для выпускнікоў вясковых і гарадскіх школ
У той жа час пашыраецца мэтавы набор абітурыентаў у ВНУ і сярэднія спецыяльныя навучальныя ўстановы.
Гэта прадугледжана новай рэдакцыяй Правілаў прыёму ва ўстановы вышэйшай і сярэдняй спецыяльнай адукацыі, якая зацверджаная ўказам кіраўніка дзяржавы.
Гэтым дакументам адмененае прафесійна-псіхалагічнае сумоўе для асобаў, якія паступаюць на спецыяльнасці, звязаныя з дзяржаўным кіраваннем, правам і журналістыкай.
Мэтавы набор абітурыентаў прадугледжваецца па ўсіх спецыяльнасцях. Між іншым, дазваляецца заключэнне дамоваў аб мэтавай падрыхтоўцы спецыяліста паміж арганізацыяй, якая замаўляе кадры, і абітурыентам незалежна ад месца яго пражывання і адзнак.
Прыём у ВНУ па сельскагаспадарчых спецыяльнасцях павялічаны да 60% ад кантрольных лічбаў прыёму, адзначае БЕЛТА.
Фота — ria.ru
