Актывіста Паўла Батуева асудзілі на 15 сутак "за супраціўленне міліцыі"

Салігорскі актывіст Павел Батуеў асуджаны на 15 сутак па адміністрацыйным артыкуле "за супраціў міліцыі", паведамляе "Наша Ніва". 

Батуева затрымалі 23 лістапада, калі ён ішоў за дачкой у садок. У той жа дзень у яго кватэры і ў кватэры бацькоў прайшоў ператрус. Праваахоўнікі паведамілі, што гэта звязана з крымінальным артыкулам за абразу. Праз тры дні мужчына не выйшаў на волю. У РАУСе сваякоў Паўла запэўнілі, што да заўтра ён дакладна будзе ў ізалятары. Пасля дома ў Батуева паўторна прайшоў ператрус, а следчы паведаміў сям’і, што Павел аказаў супраціў міліцыі і яму за гэта прысудзілі 15 сутак. 

Наколькі вядома, абвінавачванняў па крымінальных артыкулах Паўлу не прад'яўлялі.

Раней Павел Батуеў распавёў у эфіры Еўрарадыё пра петыцыю супраць будаўніцтва праваслаўнага храма ў зялёнай зоне Салігорска.