Алімпійская забастоўка і змеі ў нагавіцах кантрабандыста — #ІхНоравы

Змеі былі розных формаў, відаў і афарбовак. Многія з відаў былі немясцовыя.

Кітай — найбуйнейшы рынак гандлю жывёламі. Апошнім часам патрабаванні краіны ў гэтай сферы зрабіліся больш жорсткімі — законы аб біябяспецы і барацьбе з захворваннямі забараняюць людзям увозіць немясцовыя віды без спецыяльнага дазволу.

Ежа і віно за збор смецця

Рада па турызме Капенгагена абвясціла, што турыстаў будуць бясплатна карміць і пускаць у славутыя мясціны, калі яны возьмуць удзел у "экалагічна чыстых мерапрыемствах". Акцыя працягнецца з 15 ліпеня да 11 жніўня. Узнагароды будуць давацца за збор смецця, паездкі на грамадскім транспарце або на ровары.

Турысты змогуць атрымаць бясплатныя абеды, каву, віно і арэнду каякаў. У Радзе па турызме горада перакананыя, што гэта дапаможа знізіць экалагічную нагрузку.

Адзначаецца, што ініцыятыва заснаваная на даверы, і ад вандроўнікаў не запатрабуюць пацверджання іх дзеянняў. Але ў нейкіх месцах, праўда, вас, магчыма, і папросяць паказаць фотаздымак, на якім вы едзеце на ровары, ці білет на грамадскі транспарт.

Паводле ацэнак газеты Le Monde, праз аэрапорты Парыжа падчас спартыўных гульняў пройдзе да 350 тысяч чалавек. І гэта не толькі заўзятары: тысячы спартсменаў збяруцца ў Алімпійскай вёсцы ўжо 18 ліпеня.

Супрацоўнікі аэрапортаў — не адзіныя, хто кажа пра парушэнне правоў працоўных напярэдадні Алімпіяды. Павышэння аплаты за тое, што ім давядзецца працаваць падчас гульняў, запатрабавалі паліцыя, авіядыспетчары, прыбіральшчыкі смецця, машыністы цягнікоў і многія іншыя.

Петыцыя ў падтрымку аднакласніка-ўцекача

У Гамбургу школьнікі пратэстуюць супраць высылкі аднакласніка. Чатыры гады таму Джоэл Аманква пераехаў у Германію з Ганы як уцякач. У Гамбургу хлопец жыве з бацькам і шасцігадовай сястрой. Цяпер ён вучыцца ў 11 класе і пасля выпускных экзаменаў збіраецца паступаць ва ўніверсітэт.

Нядаўна Джоэлу споўнілася 18 гадоў. Германія зрабіла больш жорсткімі міграцыйныя законы і прызнала Гану бяспечнай краінай. Цяпер улады хочуць адправіць юнака назад на радзіму, і ён ужо атрымаў пра гэта ліст.

— Для мяне гэта неспасціжна, — кажа настаўнік матэматыкі, які выкладае ў школе Джоэла. — Высылка не толькі разлучыць юнака з сям'ёй, але і разбурыць яго будучыню, у той час як менавіта такія працавітыя маладыя людзі і патрэбныя Германіі.

У таты Джоэла ёсць від на жыхарства, ён працуе кладаўшчыком і можа застацца з дачкой у Германіі.

Вучні і настаўнікі школы падрыхтавалі петыцыю, каб Джоэл застаўся ў краіне. Пад ёй падпісаліся ўжо больш за 23 тысячы чалавек. Акрамя таго, аднакласнікі арганізавалі акцыю ў цэнтры горада ў падтрымку хлопца.

— Я доўга не казаў пра свае праблемы з відам на жыхарства, бо саромеўся гэтага, — прызнаецца малады чалавек.

Цяпер ён вельмі крануты падтрымкай.