Аляксандр Лукашэнка ляціць на два дні ў Азербайджан

У праграме візіту Аляксандра Лукашэнкі запланаваныя перамовы з прэзідэнтам Азербайджана Ільхамам Аліевым. Па іх выніках прадугледжваецца падпісанне двухбаковых дакументаў аб супрацоўніцтве ў розных сферах.

БЕЛТА адзначае, што Азербайджан з'яўляецца важным для Беларусі гандлёва-эканамічным партнёрам. За апошнія шэсць гадоў тавараабарот паміж краінамі павялічыўся ў 6 разоў і па выніках мінулага года склаў больш за 223 млн долараў.

У 2010-м Аліеў аператыўна дапамог беларускаму кіраўніцтву — пазычыў 200 млн долараў, каб наша краіна магла разлічыцца з "Газпрамам" за пастаўлены газ.

Дарэчы, у лістападзе 2009 года падчас афіцыйнай сустрэчы Аляксандра Лукашэнкі і Ільхама Аліева ў Мінску камандзір роты ганаровай варты капітан Карповіч павітаў кіраўнікоў дзвюх краін па-беларуску. Тады па тэлебачанні момант вітання камандзіра ўпершыню паказалі разам з гукам (гл. відэа).

З Беларусі з'ехаў не толькі кіраўнік дзяржавы, але і прэм'ер
 

Чарговае здарэнне ў прысутнасці Януковіча — афіцэр секануў шабляй (відэа)

Фота — Коммерсант