Анатоль Капскі — чалавек года ў беларускім спорце
Чалавекам года ў беларускім спорце па версіі газеты "Прессбол" прызнаны Анатоль Капскі, былы старшыня праўлення футбольнага клуба БАТЭ. Ён сышоў з жыцця 22 верасня ва ўзросце 52 гадоў. Раней Капскі прызнаваўся Чалавекам года ў 1999-м і ў 2008-м гадах. Галоўная яго заслуга — стварэнне футбольнага клуба, які стабільна становіцца чэмпіёнам Беларусі і паспяхова выступае ў еўракубках.
