Аптэкары вяртаюць дзяржаве грошы са сваёй кішэні
Іх абавязалі аплаціць розніцу ў коштах паміж беларускімі і імпартнымі лекамі, якія фармацэўты прадалі па льготных рэцэптах. Гродзенскія фармацэўты вяртаюць грошы за імпартныя лекі, якія яны прадалі па льготных рэцэптах пры наяўнасці танных адпаведнікаў. Праверку зазналі ўсе рэцэпты, якія былі выпісаныя за гэты і мінулы год.
Калі фармацэўт адпусціў прэпарат, даражэйшы за яго беларускі “сінонім” ці той, які выйграў тэндэр як самы танны, то розніцу коштаў аптэкар мусіць вярнуць са сваёй кішэні. Да гэтага аптэкары лічылі, што продаж танных ільготных лекаў – рэкамендацыя, а не абавязак. Пра тое, што на гэты конт думаюць фармацэўты і ці збіраюцца слухацца, Еўрарадыё запыталася ў гродзенскай аптэцы.
Аптэка: Прыйшоў дзяржкантроль, даў указанне праверыць рэцэпты, адпушчаныя за мінулы год. Калі адпушчаны не тэндэрны прэпарат ці не беларускі, то вылічваецца розніца ў кошце (наколькі ён даражэйшы), і гэтую розніцу нас абавязваюць аплаціць. Плоціць той фармацэўт, які адпусціў рэцэпт. Мы за сабой віны не адчуваем. Мы гэтую розніцу сабе ў кішэню не клалі. Мы рабілі гэта на карысць хворага чалавека.
Але мы цяпер не будзем адпускаць. Няхай з лекарам вырашаюць, хай ён праводзіць праз УКК. А калі рэцэпт выпісаны пад міжнародным, будзем даваць беларускія ці тэндэрныя.
- А калі ў вас не будзе танных, скончацца, і чалавек папросіць імпартныя?
- Мы не будзем выдаваць. Звязваемся з гандлёвым аддзелам, цікавімся, калі з’явіцца прэпарат, гаворым гэта хвораму, калі будзе. Што нам застаецца рабіць? Нам трэба працаваць.
Што гэта за грошы і наколькі яны “б’юць па кішэні” фармацэўтаў, сказаць складана, бо да кожнага свой рахунак. Але загадчыца адной з аптэк агучыла Еўрарадыё агульную суму, якую ў іх аптэцы ўжо выплацілі.
Аптэка: “Мы заплацілі агулам сто шэсцьдзесят сем тысяч дзевяцьсот рублёў”.
Распараджэнне, у якім прапаноўваецца адпускаць хворым толькі танныя лекі, разаслала па аптэках Гродзенскае гандлёва-вытворчае РУП “Фармацыя”. Яго генеральны дырэктар Мікалай Грыцэвіч лічыць гэтую сітуацыю абсалютна ардынарнай. Калі фармацэўты дапусцілі службовую памылку, то мусяць за яе адказваць, кажа ён.
Мікалай Грыцэвіч: “Мінімальны пакет сацыяльных гарантый, якія можа дазволіць сабе дзяржава (а гэта акурат лекі беларускай вытворчасці і тэндэрныя пазіцыі), па якасці нічым не горшы, чым той, які звычайна хоча хворы. Ды й чаму бюджэт Рэспублікі Беларусь павінен фінансаваць лекавыя сродкі, якія вырабляе нехта-неяк-недзе.
Так, яны зарэгістраваныя ў нас, яны маюць права вольнага абарачэння ў Рэспубліцы Беларусь. Няхай іх набываюць людзі, якія не маюць ільгот, за свае грошы. Фармацэўты, якія працавалі з насельніцтвам, дапусцілі адыход ад выканання лакальнага нарматыўнага акта. Гэта можна расцэньваць як нанясенне шкоды бюджэту.
А гэта нашыя з вамі грошы. А трэба жыць у рэжыме самай жорсткай эканоміі бюджэтных сродкаў. Калі адзін чалавек будзе атрымліваць дарагія прэпараты, другі чалавек – крыху таннейшыя, але не самыя, то трэцяму можа не хапіць ніякіх”.
Атрымаць па льготным рэцэпце дарагі прэпарат цяпер значна складаней. Яго можа выпісаць лекар, але і тут сітуацыя ўскладнілася. Лекарам таксама раяць выпісваць беларускія лекі. Для таго каб выпісаць імпартны прэпарат, трэба сабраць камісію. Галоўны ўрач цэнтральнай гарадской паліклінікі Гродна Аляксандр Раманчук лічыць гэтую сітуацыю правільнай.
Аляксандр Раманчук: “Калі лекар лічыць неабходным прапісаць імпартны дарагі прэпарат, то ён збірае УКК – урачэбна-кансультацыйную камісію. Яна ствараецца імгненна, бо гэта два лекары, - напрыклад, той, чый гэта пацыент, і загадчык аддзялення тэрапіі. Яны і вырашаюць, ставяць два подпісы. Ці адмаўляюць, ці – калі няма беларускіх аналагаў – выпісваюць”.
Гродзенскія аптэкары абураюцца, але грошы вяртаюць. Як стала вядома Еўрарадыё, у Віцебску падобная сітуацыя, але там фармацэўты пакуль што плаціць адмаўляюцца. На пытанне, куды пойдуць вернутыя грошы, Еўрарадыё адказалі: у бюджэт.
Калі фармацэўт адпусціў прэпарат, даражэйшы за яго беларускі “сінонім” ці той, які выйграў тэндэр як самы танны, то розніцу коштаў аптэкар мусіць вярнуць са сваёй кішэні. Да гэтага аптэкары лічылі, што продаж танных ільготных лекаў – рэкамендацыя, а не абавязак. Пра тое, што на гэты конт думаюць фармацэўты і ці збіраюцца слухацца, Еўрарадыё запыталася ў гродзенскай аптэцы.
Аптэка: Прыйшоў дзяржкантроль, даў указанне праверыць рэцэпты, адпушчаныя за мінулы год. Калі адпушчаны не тэндэрны прэпарат ці не беларускі, то вылічваецца розніца ў кошце (наколькі ён даражэйшы), і гэтую розніцу нас абавязваюць аплаціць. Плоціць той фармацэўт, які адпусціў рэцэпт. Мы за сабой віны не адчуваем. Мы гэтую розніцу сабе ў кішэню не клалі. Мы рабілі гэта на карысць хворага чалавека.
Але мы цяпер не будзем адпускаць. Няхай з лекарам вырашаюць, хай ён праводзіць праз УКК. А калі рэцэпт выпісаны пад міжнародным, будзем даваць беларускія ці тэндэрныя.
- А калі ў вас не будзе танных, скончацца, і чалавек папросіць імпартныя?
- Мы не будзем выдаваць. Звязваемся з гандлёвым аддзелам, цікавімся, калі з’явіцца прэпарат, гаворым гэта хвораму, калі будзе. Што нам застаецца рабіць? Нам трэба працаваць.
Што гэта за грошы і наколькі яны “б’юць па кішэні” фармацэўтаў, сказаць складана, бо да кожнага свой рахунак. Але загадчыца адной з аптэк агучыла Еўрарадыё агульную суму, якую ў іх аптэцы ўжо выплацілі.
Аптэка: “Мы заплацілі агулам сто шэсцьдзесят сем тысяч дзевяцьсот рублёў”.
Распараджэнне, у якім прапаноўваецца адпускаць хворым толькі танныя лекі, разаслала па аптэках Гродзенскае гандлёва-вытворчае РУП “Фармацыя”. Яго генеральны дырэктар Мікалай Грыцэвіч лічыць гэтую сітуацыю абсалютна ардынарнай. Калі фармацэўты дапусцілі службовую памылку, то мусяць за яе адказваць, кажа ён.
Мікалай Грыцэвіч: “Мінімальны пакет сацыяльных гарантый, якія можа дазволіць сабе дзяржава (а гэта акурат лекі беларускай вытворчасці і тэндэрныя пазіцыі), па якасці нічым не горшы, чым той, які звычайна хоча хворы. Ды й чаму бюджэт Рэспублікі Беларусь павінен фінансаваць лекавыя сродкі, якія вырабляе нехта-неяк-недзе.
Так, яны зарэгістраваныя ў нас, яны маюць права вольнага абарачэння ў Рэспубліцы Беларусь. Няхай іх набываюць людзі, якія не маюць ільгот, за свае грошы. Фармацэўты, якія працавалі з насельніцтвам, дапусцілі адыход ад выканання лакальнага нарматыўнага акта. Гэта можна расцэньваць як нанясенне шкоды бюджэту.
А гэта нашыя з вамі грошы. А трэба жыць у рэжыме самай жорсткай эканоміі бюджэтных сродкаў. Калі адзін чалавек будзе атрымліваць дарагія прэпараты, другі чалавек – крыху таннейшыя, але не самыя, то трэцяму можа не хапіць ніякіх”.
Атрымаць па льготным рэцэпце дарагі прэпарат цяпер значна складаней. Яго можа выпісаць лекар, але і тут сітуацыя ўскладнілася. Лекарам таксама раяць выпісваць беларускія лекі. Для таго каб выпісаць імпартны прэпарат, трэба сабраць камісію. Галоўны ўрач цэнтральнай гарадской паліклінікі Гродна Аляксандр Раманчук лічыць гэтую сітуацыю правільнай.
Аляксандр Раманчук: “Калі лекар лічыць неабходным прапісаць імпартны дарагі прэпарат, то ён збірае УКК – урачэбна-кансультацыйную камісію. Яна ствараецца імгненна, бо гэта два лекары, - напрыклад, той, чый гэта пацыент, і загадчык аддзялення тэрапіі. Яны і вырашаюць, ставяць два подпісы. Ці адмаўляюць, ці – калі няма беларускіх аналагаў – выпісваюць”.
Гродзенскія аптэкары абураюцца, але грошы вяртаюць. Як стала вядома Еўрарадыё, у Віцебску падобная сітуацыя, але там фармацэўты пакуль што плаціць адмаўляюцца. На пытанне, куды пойдуць вернутыя грошы, Еўрарадыё адказалі: у бюджэт.
