Арэнднае жыллё чыноўнікам дадуць толькі на час працы

17 лістапада Аляксандр Лукашэнка падпісаў указ №535 аб мерах па рэалізацыі ўказа ад 16 снежня 2013 года №563 "Аб некаторых пытаннях прававога рэгулявання жыллёвых адносін".

Стары ўказ датычыў жытла для дзяржслужбоўцаў. У прыватнасці, ён вызначаў катэгорыі грамадзян, якія маюць першачарговае права на прадастаўленне арэнднага жылля. У іх лік трапілі суддзі, пракурорскія работнікі, а таксама дзяржаўныя службоўцы згодна з пералікам пасад, якія даюць права на атрыманне арэнднага жылля. Сам гэты пералік вызначаецца кіраўніком Беларусі.

Новы ўказ зацвердзіў гэты пералік, адзначае БелаПАН. У адпаведнасці з дакументам, дзяржаўным службоўцам будзе вылучацца арэнднае жытло толькі на перыяд працы.

Акрамя таго, новы ўказ вызначае, колькі павінна каштаваць будаўніцтва або рэканструкцыя 1 кв.м такога арэнднага жытла і як трэба разлічваць аплату за яго карыстанне. 

Фота — dorprof-kbsh.ru