Арсен Венгер: Спатрэбілася шмат намаганняў, каб абыграць барысаўчан

Настаўнік "Арсенала" Арсен Венгер на пасляматчавай прэс-канферэнцыі хваліў БАТЭ. Сустрэча клубаў у рамках Лігі Еўропы 28 верасня завяршылася перамогай лонданскай каманды з лікам 4:2.

Настаўнік "Арсенала" адзначыў, што ў гульні з БАТЭ ўдзельнічала эксперыментальная каманда: у ёй былі як дасведчаныя гульцы, так і маладыя. "Мне спадабалася, як яны праявілі сябе і трымалі тэмп на працягу 65 хвілін. І толькі астатні час матчу правялі не так удала", — перадае tut.by яго словы.

Венгер падкрэсліў добрую гульню БАТЭ: "Я павінен адзначыць, што БАТЭ паказаў сёння звязную гульню. Супернікі добра рухаліся групамі, былі вынаходлівыя. Спатрэбілася шмат намаганняў, каб абыграць барысаўчан".