Банкам дазволілі патрабаваць ад кліентаў датэрміновага вяртання крэдыту
Затое забаранілі павышаць працэнтную стаўку крэдыту, калі кліент не паспеў аплаціць усю суму ў тэрмін / Euroradio
Банкам дазволілі патрабаваць ад беларусаў датэрміновага вяртання крэдыту. Гэта замацавана ў новым указе Аляксандра Лукашэнкі "Аб змяненні законаў па пытаннях банкаўскай дзейнасці".
Дакументам акрэслены пералік выпадкаў, пры якіх банк можа запатрабаваць вярнуць грошы датэрмінова.
"Да іх аднесеныя падставы, якія аб'ектыўна ствараюць значныя рызыкі невяртання крэдыту", — гаворыцца ў паведамленні прэс-службы Лукашэнкі.
Затое банкам забаранілі павышаць працэнтную стаўку крэдыту, калі кліент не паспеў аплаціць усю суму ў тэрмін. Таксама абмежаваныя памеры няўстоек і штрафаў для тых, хто не выконвае ўмовы па крэдытнай дамове.
